ரயில் பயணிகளை முகம் சுளிக்க வைத்த வீடியோ - தீயாய் பரவும் காட்சிகள்

சென்னை பச்சையப்பன் கல்லூரியில் படிக்கும் மாணவர்கள், புறநகர் ரயிலில் ரகளையில் ஈடுபட்ட சம்பவம் அதிர்ச்சியை ஏற்படுத்தி உள்ளது. திருத்தணியில் இருந்து சென்னை சென்ட்ரல் நோக்கி வந்த மின்சார ரயில், வியாசர்பாடி ஜீவா ரயில் நிலையத்தை வந்தடைந்தது. அப்போது, அதில் பயணம் செய்த பச்சையப்பன் கல்லூரி மாணவர்கள் பாட்டு பாடி, ரயில் படிக்கட்டுகளில் தொங்கிக்கொண்டும், தாளம் அடித்துக் கொண்டும் பொதுமக்களுக்கு இடையூறு ஏற்படுத்தும் வகையில் நடந்து கொண்டனர். இது பயணிகளை முகம் சுளிக்க வைத்ததது. இதுதொடர்பான வீடியோ சமூக வலைதளங்களில் வைரலான நிலையில், போலீசார் விசாரணை மேற்கொண்டு வருகின்றனர்.