சென்னையில் போதையில் ரகளை செய்த கென்யா நாட்டு பெண்களால் பரபரப்பு

சென்னை எழும்பூரில் மது போதையில் தகராறில் ஈடுபட்ட மூன்று கென்யா நாட்டுப் பெண்கள் கைது செய்யப்பட்டுள்ளனர்.

எழும்பூரில் மதுபான விடுதி ஒன்றில், தகராறு நடப்பதாக கிடைத்த தகவல் அடிப்படையில், போலீசார் விசாரணை மேற்கொண்டனர். அப்போது, கென்ய நாட்டை சேர்ந்த 3 பெண்கள், மது போதையில் பாரில் தகராறில் ஈடுபட்டு, சாலையில் வரும் மக்களை ஆபாச வார்த்தையில் திட்டி போக்குவரத்துக்கு இடையூறு செய்துள்ளனர். இதையடுத்து, அவர்கள் 3 பேரையும் போலீசார் கைது செய்தனர். இதனிடையே, அனுமதிக்கப்பட்ட நேரத்தை கடந்து பார் செயல்பட்டது குறித்து போலீசார் விசாரணை நடத்தியபோது, பார் ஊழியர்கள் தகராறில் ஈடுபட்டதாக தெரிகிறது. இதையடுத்து, பார் உரிமையாளர்கள், மேனேஜர் பவுன்சர் என 4 பேர் மீது வழக்குப்பதிவு செய்த போலீசார், மேனேஜர் மற்றும் பவுன்சரை கைது செய்தனர். கைது செய்யப்பட்ட கென்ய பெண்கள், விஜினியா, அனஸ்தடியா, போசியா மூவண்டை என்பதும், மருத்துவ காரணங்களுக்காக 2 மாதம் முன்பு சென்னை வந்த‌தும் தெரிய வந்த‌து. உண்மையில் மருத்துவ காரணங்களுக்காக அவர்கள் வந்தனரா? அல்லது வேறு காரணமா? என்று விசாரணை நடத்தி வருகின்றனர்.