சென்னையில் பைக்கில் குழந்தையோடு சென்ற போது பயங்கரம் - குழந்தை கழுத்தை அறுத்த கோர சம்பவம்

சென்னையில் பைக்கில் குழந்தையை கூட்டி சென்ற போது பயங்கரம் - எங்கிருந்தோ வந்து குழந்தை கழுத்தை அறுத்த கோர சம்பவம்

சென்னையில், இரண்டரை வயது குழந்தையின் கழுத்தை

மாஞ்சா நூல் அறுத்த சம்பவம் தொடர்பாக, சிறுவர்கள் உட்பட 8 பேர் கைது செய்யப்பட்டுள்ளனர்.

சென்னை, வியாசர்பாடி பாலம் வழியாக தனது இரண்டரை வயது குழந்தையுடன் ஒருவர் இரு சக்கர வாகனத்தில் சென்ற போது, திடீரென மாஞ்சா நூல், குழந்தையின் கழுத்தை அறுத்ததாக தெரிவித்தார். உடனடியாக அருகில் இருந்த தனியார் மருத்துவமனைக்கு கொண்டு சேர்த்து, ஏழு தையல்கள் குழந்தைக்கு போடப்பட்டு, தற்போது நலமுடன் இருப்பதாக அவர் தெரிவித்தார். இதற்கு காரணமானவர்கள் மீது உடனடியாக அரசு கடும் நடவடிக்கை எடுக்க வேண்டும் என தெரிவித்தார். இந்த பகுதியில் கடந்த சில நாட்களாக அதிகப்படியான பட்டங்கள் பறப்பதாகவும், இதனை காவல்துறையினர் கண்டறிந்து நடவடிக்கை எடுக்க வேண்டும் என வேண்டுகோள் வைத்தார். அதே போல ஜிலானி

பாஷா என்பவர் நேற்று மாலை வியாசர்பாடி

புதிய மேம்பாலம் அருகே இருசக்கர வாகனத்தில் செல்லும் போது மாஞ்சா நூல் கழுத்தில் அறுத்து படுகாயமடைந்தார். இந்த இரண்டு சம்பவங்கள் தொடர்பாக விசாரணை மேற்கொண்ட வியாசர்பாடி போலீசார், இது தொடர்பாக சிறுவர்கள் உட்பட 8 பேரை கைது செய்தனர். 100-க்கும் மேற்பட்ட பட்டங்கள், லொட்டாய், மாஞ்சா நூல்கள் அவரகளிடம் இருந்து பறிமுதல் செய்யப்பட்டன.