சென்னையில் அதிமுகவின் பிரமாண்ட விழா - இன்று ஒன்று கூடும் பெரும் தலைகள்

ஜானகி அம்மையார் தனக்கு கடவுள் போன்றவர் என நடிகை சரோஜா தேவி தெரிவித்துள்ளார். ஜானகி நூற்றாண்டு விழாவில் கலந்துகொள்ளுமாறு, பெங்களூரில் உள்ள நடிகை சரோஜா தேவிக்கு அதிமுக முன்னாள் அமைச்சர் பாலகிருஷ்ணா ரெட்டி நேரில் அழைப்பு விடுத்தார். அழைப்பிதழை பெற்றுக்கொண்ட அவர், ஜானகி அம்மையாருக்கு நூற்றாண்டு விழா நடத்தும் அதிமுகவுக்கு நன்றி தெரிவித்தார். காலில் அடிப்பட்டுள்ளதால் தன்னால் விழாவில் கலந்து கொள்ள முடியாத சூழல் இருப்பதாக தெரிவித்த அவர், ஜானகி அம்மையார் தன்னுடன் மிகவும் அன்பாக பழக கூடியவர் என்றும் தெரிவித்தார். சென்னைக்கு வரும்போதெல்லாம் ஜானகி அம்மையாரை சந்திப்பதை வழக்கமாக கொண்டிருந்ததை நினைவுகூர்ந்த அவர், எம்ஜிஆருக்கு ஜானகி அம்மாள் கடவுள் போன்றவர் என்றும், தனக்கும் அவர் கடவுளை போன்றவர் என்றும் கூறினார்.