காவு வாங்கிய தீபாவளி இரவு - யார் மகன் என தமிழ்நாடே கேட்ட கேள்விக்கு விடை -இந்த நடிகருக்கா இந்த சோதனை

காவு வாங்கிய தீபாவளி இரவு - யார் மகன் என தமிழ்நாடே கேட்ட கேள்விக்கு விடை -இந்த நடிகருக்கா இந்த சோதனை

கொடூர காவு வாங்கிய தீபாவளி இரவு - யாருடைய மகன் என தமிழ்நாடே கேட்ட கேள்விக்கு விடை - இந்த பிரபல நடிகருக்கா இந்த சோதனை

சின்னத்திரை நடிகர் கார்த்திக்கின் மகன் கார் விபத்தில் உயிரிழந்த நிலையில், தயவு செய்து சீட் பெல்ட் அணியுங்கள் என உறவினர்கள் உருக்கத்துடன் தெரிவித்துள்ளனர். இதுகுறித்து பார்க்கலாம் விரிவாக...

பண்டிகை தினத்தில் கொண்டாட்ட களைப்பில் இருந்த சின்னத்திரை கார்த்திக் குடும்பத்தினரை மீளாத்துயரில் ஆழ்த்தியது சென்னை வேளச்சேரியில் அரங்கேறிய அந்த விபத்து..

சின்னத்திரை மற்றும் வெள்ளித்திரையில் சிறு சிறு கதாபாத்திரங்களில் நடித்து வந்த நடிகர் கார்த்திக் என்பவருக்கு 21 வயதில் நித்திஷ் ஆதித்யா என்ற மகன் உள்ளார்.

தீபாவளி பண்டிகையை முன்னிட்டு, தனது நண்பர்களுடன் காரில் ஓஎம்ஆர் பகுதிக்கு சென்று விட்டு, நள்ளிரவு 2 மணிக்கு வேளச்சேரியில் இருந்து ஆர்.ஏ.புரம் செல்வதற்காக தரமணி நோக்கி சென்ற போது, அங்கிருந்த சென்டர் மீடியன் மீது மோதி விபத்துக்குள்ளானது..

இதில் நித்தீஷ் ஆதித்யா மருத்துவமனைக்கு கொண்டு செல்லும் வழியிலேயே உயிரிழந்த நிலையில், உடன் பயணித்த நண்பர்களில் ஒருவருக்கு காலில் எலும்பு முறிவு ஏற்பட்டுள்ளது.

உயிரிழந்த நித்தீஷ் ஆதித்யாவின் உடல் பிரேத பரிசோதனைக்கு பின் பெற்றோரிடம் ஒப்படைக்கப்பட, மகனை இழந்த துயரில் மூழ்கி கிடக்கிறது நடிகர் கார்த்திக்கின் குடும்பம்...

தங்கள் வீட்டு பிள்ளையை இழந்து தவிக்கும் உறவினர்களோ, ஃபேஷனுக்காக சீட் பெல்ட் அணியாமல் சென்றதே விபத்துக்கு காரணம் என கூறுகின்றனர்.

சீட் பெல்ட் அணிவது குறித்து விழிப்புணர்வு ஏற்படுத்தினாலும், அதனை விளையாட்டாக எடுத்துக் கொள்கின்றனர் என வேதனை தெரிவிக்கும் உறவினர்கள், தயவு செய்து சீட் பெல்ட் அணியுங்கள் என அறிவுறுத்துகின்றனர்.