"யார் மந்திரிப்பது"..சென்னை தர்காவில் பயங்கர மோதல்.. - தீயாய் பரவிய வீடியோ

சென்னை ஸ்டான்லி அரசு மருத்துவமனை வளாகத்தில் பழமை வாய்ந்த தர்கா ஒன்று உள்ள நிலையில், யார் மந்திரிப்பது என்பதில் ஏற்பட்ட பிரச்சினையில் பெரிய சமையல் இரும்பு கரண்டியால் தாக்கிக் கொண்ட சம்பவம் பரபரப்பை ஏற்படுத்தியுள்ளது..

தர்காவில் ஷாய்தின் மற்றும் பாட்சா ஆகிய இருவரிடையே அங்கு வரும் மக்களுக்கு யார் மந்திரிப்பது என்ற பிரச்சினை இருந்து வந்ததாகவும், இது தொடர்பாக இருவரும் மோதிக்கொண்டதாக கூறப்படுகிறது. மோதலில் ஷாய்தின் என்பவர் பெரிய இரும்பு கரண்டியை கொண்டு பாட்ஷாவை தாக்கியுள்ளார். இருவரையும் வண்ணாரப்பேட்டை காவல் நிலையத்திற்கு வரவழைத்த போலீசார் விசாரணை மேற்கொண்ட நிலையில் இருதரப்பினரும் சமாதானமாக செல்வதாக எழுதிக் கொடுத்துவிட்டு புறப்பட்டனர்.