லாரி மீது மோதி உருக்குலைந்த அரசு பஸ்...வலியால் துடித்த டிரைவர், கண்டக்டர் -பயணிகளுக்கு நேர்ந்த கதி

செங்கல்பட்டு மாவட்டம் சென்னை திருச்சி தேசிய நெடுஞ்சாலையில் உள்ள கருங்குழி பேரூராட்சி அருகே அரசு பேருந்தும், இரும்பு கம்பி ஏற்றி வந்த லாரியும் விபத்துக்குள்ளானது. கம்பி ஏற்றிச் சென்ற லாரியின் பின்புறம், விருத்தாச்சலம் சென்று கொண்டிருந்த அரசு பேருந்து மோதியது. இதில், பேருந்தின் முன்பகுதி முழுமையாக சேதமடைந்தது. ஓட்டுனர் மற்றும் நடத்துநர் இருவரும் பெரும் போராட்டத்திற்கு பின் மீட்கப்பட்டனர். விபத்தில் 10க்கும் மேற்பட்ட பயணிகளுக்கு லேசான காயம் ஏற்பட்டிருந்த நிலையில், உடனடியாக மருத்துவமனைக்கு அனுப்பி வைக்கப்பட்டனர்.