கார் தீப்பற்றி எரிந்து ஒருவர் பலி... தற்கொலையா? என போலீஸ் விசாரணை

கர்நாடக மாநிலம் பெங்களூருவில் கார் தீப்பிடித்து எரிந்ததில், ஒருவர் உயிருடன் பலியான சம்பவம் பரபரப்பை ஏற்படுத்தியுள்ளது. பெங்களூருவில் உள்ள பைதரஹள்ளி காவல் நிலையப் பகுதியில், கார் ஒன்று தீப்பிடித்து எரிந்தது. இதில் ஒருவர் உயிரிழந்தார். வழக்கை விசாரித்த போலீசார், இது விபத்து அல்ல தற்கொலை என்பதை உறுதி செய்தனர். பெங்களூரு நாகர்பாவி பகுதியை சேர்ந்த ஹோட்டல் தொழில் செய்து வந்த பிரதீப், கடனை மீண்டும் கட்ட முடியாமல் தவித்து வந்ததாக கூறப்படுகிறது. முத்தினபாளைய காலனி அருகே காரை நிறுத்திவிட்டு நடந்து சென்று பெட்ரோல் வாங்கி வந்து, பின்னர் காருக்குள் ஏறி அமர்ந்த சிறிது நேரத்தில் கார் தீப்பற்றி எரிந்ததில் பிரதீப் உயிரிழந்தது தெரியவந்தது. எனவே, இது தற்கொலையாக இருக்கலாம் என போலீசார் கருதியுள்ளனர்.