மது போதையில் அதிவேகமாக காரை ஓட்டி விபத்து..! வெளியான பதறவைக்கும் வீடியோ | Thoothukudi

தூத்துக்குடி மாவட்டம் கோவில்பட்டியில், மது போதையில் முன்னாள் ராணுவ வீரர் அதிவேகமாக ஓட்டி வந்த கார் மோதி விபத்துக்குள்ளான சிசிடிவி காட்சிகள் வெளியாகியுள்ளன. தூத்துக்குடியைச் சேர்ந்த பைரோஸ் கான் என்பவர், நண்பர்களுடன் தனது காரில் சென்றுள்ளார். கோவில்பட்டி வடக்கு செமப்புதூர் பகுதியை சேர்ந்த முன்னாள் ராணுவ வீரர் சூரிய நாராயணனும், காரில் ஊருக்கு சென்றார். திட்டங்குளம் பகுதியில், முன்னால் சென்ற பைரோஸ் கான் கார் மீது அதிவேகத்தில் பின்னால் வந்த சூரிய நாராயணன் கார் மோதியது. கார்களும் சேதமடைந்த நிலையில், யாருக்கும் காயமும் ஏற்படவில்லை. சூரியநாராயணன் மது போதையில் அதிவேகமாக காரை ஓட்டி வந்தது தெரியவந்தது. சம்பவம் குறித்து போலீசார் விசாரணை நடத்தி வருகின்றனர்.