விடிய விடிய காத்திருந்த 1000 பயணிகள்-பொறுக்க முடியாமல் பொங்கி எழுந்த சம்பவம்-வெளியான பரபரப்பு வீடியோ

கிளாம்பாக்கம் கலைஞர் நூற்றாண்டு பேருந்து நிலையத்தில் போதிய‌ பேருந்துகள் இல்லாததால் பயணிகள் கடும் அவதி அடைந்தனர். காரைக்கால், திருச்சி, தஞ்சாவூர்‌, ஜெயங்கொண்டம் போன்ற பகுதிகளுக்கு பேருந்துகள் இல்லை என‌ பயணிகள் குற்றம் சாட்டினர். போராட்டத்தில் ஈடுபட முயன்ற பயணிகளை போலீசார்‌ தடுத்து நிறுத்திய போது கடும் வாக்குவாதம் ஏற்பட்டது. விநாயகர் சதுர்த்தி மற்றும் ஞாயிறு விடுமுறையை முன்னிட்டு அரசு சார்பில் சிறப்பு பேருந்துகள் இயக்கப்பட்ட நிலையில், அளவுக்கு மீறிய கூட்டம் வந்ததன் காரணமாக போதிய பேருந்துகள் இல்லை என அதிகாரிகள் தகவல் தெரிவித்தனர். நள்ளிரவு ஒரு மணியை கடந்தும் போதிய அரசு பேருந்துகள் இல்லாததால் பெண் பயணிகளை மட்டும் மாநகர பேருந்துகள் மூலமாக காவல்துறையினர் அனுப்பி வைத்தனர். இதனால் பேருந்து நிலையத்தில் விடிய விடிய காத்திருந்து பயணிகள் பேருந்தில் ஏறி சொந்த ஊர்களுக்கு புறப்பட்டுச் சென்றனர்.