பைக்கில் வேகமாக சென்றதால் தகராறு - 4 பேருக்கு அரிவாள் வெட்டு

ராணிப்பேட்டை மாவட்டம் பாணாவரம் அருகே உள்ள ஆயல்நாகத்தாங்கல் கிராமத்தைச் சேர்ந்த இளைஞர் சர்வேஷ், அந்த பகுதியில் பைக்கில் வேகமாக சென்றுள்ளார். இதனை, அதே பகுதியைச்சேர்ந்த சிலர் தட்டிக்கேட்டுள்ளனர். அப்போது, இருதரப்பினருக்கும் இடையே வாக்குவாதம் ஏற்பட்டுள்ளது. இதனைத் தொடர்ந்து, இன்று பகலில் 5 பேர் அடங்கிய கும்பல் ஒன்று திடீரென வீட்டிற்கு புகுந்து சர்வேஷ், அவரது சகோதரர் சந்துரு, தந்தை சுரேஷ், பாட்டி கிருபாவதி ஆகிய 4 பேரையும் சரமாரியாக வெட்டிவிட்டு தப்பிச் சென்றது. இதில் சுரேஷ் மற்றும் கிருபாவதி பலத்த காயமடைந்தனர். 4 பேரையும் அக்கம் பக்கத்தினர் மீட்டு சோளிங்கர் அரசு மருத்துவமனையில் சேர்ந்தனர். புகாரின் பேரில் பாணாவரம் காவல்நிலைய போலீசார் வழக்குப்பதிவு செய்து, மர்ம கும்பலை தேடி வருகின்றனர்.