அமரன் படம்.. அலங்கார் தியேட்டரில் குண்டுவீச்சு.. வீசியவர்கள் யார்? கிடைத்தது விடை

அமரன் படம்.. அலங்கார் தியேட்டரில் குண்டுவீச்சு.. வீசியவர்கள் யார்? நெல்லையே கேட்ட கேள்விக்கு கிடைத்தது விடை நெல்லை மேலப்பாளையத்தில் உள்ள அலங்கார் தியேட்டர் மீது குண்டு வீசிய சம்பவத்தில் மேலும் ஒரு வாலிபர் கைது செய்யப்பட்டுள்ளார்.நெல்லை மேலப்பாளையம் அலங்கார் தியேட்டரில் அமரன் படம் திரையிடப்பட்டு வரும் நிலையில், கடந்த 16ஆம் தேதி அதிகாலையில் மர்ம நபர்கள் 2 பேர் வளாகத்திற்குள் பெட்ரோல் குண்டுகளை வீசிவிட்டு தப்பி சென்றனர். சிசிடிவி காட்சிகளின் அடிப்படையில் வெடிகுண்டு வீசியவர்களில் ஒருவரை அடையாளம் கண்டு பிடித்த போலீசார், அவரை கைது செய்து ரகசிய இடத்தில் வைத்து விசாரணை நடத்தினர். யூசுப் ரசீன் என்ற அந்த நபர், அமரன் படத்திற்கு எதிர்ப்பு தெரிவித்து, நண்பர்களுடன் சேர்ந்து வெடிகுண்டு வீசியது தெரிய வந்துள்ளது. போலீசாரிடம் அவர் தெரிவித்த தகவலின் அடிப்படையில், அவருடன் வந்தது, மேலப்பாளையம் பகுதியை சேர்ந்த புகாரி என்பது தெரிய வந்தது. அவரை இரவோடு இரவாக கைது செய்த போலீசார் ரகசிய இடத்தில் வைத்து விசாரணை நடத்தி வருகின்றனர். இச்சம்பவத்தில் தொடர்புடைய மேலும் ஒருவரையும் காவல்துறையினர் தங்களின் விசாரணை வளையத்திற்குள் கொண்டு வந்துள்ளனர்.