டாக்டராக்க ஆசைப்பட்ட அம்மா;ஒற்றையாய் மகளை வளர்த்த தாய்...நொடியில் கனவுகளை சிதைத்த விபத்து..

பஞ்சராகி நின்றிருந்த வேன் மீது லாரி மோதியதில் ஏற்பட்ட விபத்து... 7 பெண்கள் சம்பவ இடத்திலேயே உயிரிழந்த கோர சம்பவம் அரங்கேறிய பகுதி வாணியம்பாடி...

வேலூர் மாவட்டம் குடியாத்தம் பேர்ணாம்பட்டு பகுதியில் இருந்து சுமார் 40 பேர் இரண்டு வேன்களில் கர்நாடக மாநிலத்திற்கு ஆன்மீக சுற்றுலா சென்று விட்டு அதிகாலை வேளையில் சொந்த ஊருக்கு திரும்பியபோது, நடந்த விபத்தில், மீரா, கீதாஞ்சலி உட்பட 7 பெண்கள், உடல் நசுங்கி சம்பவ இடத்திலேயே உயிரிழந்தனர். படுகாயமடைந்தவர்கள் மீட்கப்பட்டு மருத்துவமனையில் தீவிர சிகிச்சை அளிக்கப்பட்டு வருகிறது.

ஒரு வினாடியில் நடந்த திகிலூட்டும் இந்த விபத்து, தமிழகத்தையே உலுக்கியுள்ளது. தேசிய நெடுஞ்சாலையின் சென்டர் மீடியனில் அமர்ந்து பேசிக்கொண்டிருந்தபோது, சற்றும் எதிர்பாராத வகையில் இந்த கோர விபத்து அரங்கேறியதாக விபத்தை நேரில் பார்த்த சாந்தி என்ற பெண்மணி அச்சத்துடனே கூறுகிறார்...