"மழை வந்துட கூடாது சாமி" ரசிகர்களுக்கு காத்திருக்கும் ராஜ விருந்து

இலங்கையில் சுற்றுப்பயணம் மேற்கொண்டுள்ள இந்திய அணி, 3 போட்டிகள் கொண்ட ஒருநாள் தொடரில் விளையாடி வருகிறது. இரு அணிகளுக்கும் இடையே நடைபெற்ற முதல் ஒருநாள் போட்டி டை (TIE) ஆனது. இந்நிலையில், இரு அணிகளுக்கும் இடையிலான 2வது ஒருநாள் போட்டி கொழும்பு பிரேமதாசா மைதானத்தில் இன்று மதியம் 2.30 மணிக்கு தொடங்க உள்ளது. முதல் ஒருநாள் போட்டியில் இரு அணி பேட்டர்களும் தடுமாறினர். இன்றையப் போட்டியில் தவறுகளைத் திருத்திக்கொள்ள இரு அணியினரும் முயற்சிப்பர். இன்று வெற்றி பெற்று ஒருநாள் தொடரில் முன்னிலைப் பெற இரு அணி வீரர்களும் தீவிரம் காட்டுவர். கொழும்பில் மழை பெய்ய வாய்ப்பு இருப்பதால் இந்தப் போட்டி மழையால் பாதிக்கப்பட வாய்ப்புள்ளது.