பாக். கனவை தகர்த்தெறிந்த அமெரிக்கா

டி20 உலகக்கோப்பை கிரிக்கெட் தொடரின் சூப்பர்-8 சுற்றுக்கு அமெரிக்கா முதல் முறையாக முன்னேறி உள்ளது. அதே சமயம் பாகிஸ்தானின் சூப்பர்-8 கனவு தகர்ந்துள்ளது.

குரூப் ஏ பிரிவில் அமெரிக்காவின் புளோரிடா நகரில் அயர்லாந்து - அமெரிக்கா இடையே நடைபெற இருந்த லீக் போட்டி மழையால் கைவிடப்பட்டது. இதனால் இரு அணிகளுக்கும் தலா ஒரு புள்ளி பகிர்ந்து அளிக்கப்பட்டது. அமெரிக்க அணிக்கு லீக் போட்டிகள் முடிவடைந்த நிலையில் மொத்தமாக 5 புள்ளிகள் பெற்று 2ம் இடத்தைப் பிடித்த அமெரிக்கா, குரூப் ஏ பிரிவில் 2 வது அணியாக சூப்பர்-8 சுற்றுக்குள் நுழைந்தது. இதனால் பாகிஸ்தான் அடுத்த சுற்றுக்கு செல்வதற்கான வாய்ப்பை இழந்தது. தங்கள் கடைசி லீக் போட்டியில் வெற்றி பெற்றாலும் பாகிஸ்தானால் அடுத்த சுற்றுக்கு செல்ல இயலாது. தொடரை நடத்தும் அமெரிக்கா சூப்பர்-8 சுற்றுக்கு முன்னேறி வரலாறு படைத்துள்ள நிலையில், முன்னாள் சாம்பியனான பாகிஸ்தான் முதல் சுற்றுடன் வெளியேறி உள்ளது.