தவறுகளை திருத்திக் கொண்டு வெற்றியை ருசி பார்க்குமா CSK!

ஐபிஎல் தொடரில் இன்று நடைபெறும் 22வது லீக் போட்டியில் ருதுராஜ் கெய்க்வாட் தலைமையிலான சென்னை சூப்பர் கிங்ஸ் அணியும் ஷ்ரேயாஸ் ஐயர் தலைமையிலான கொல்கத்தா நைட் ரைடர்ஸ் அணியும் மோத உள்ளன. சென்னை சேப்பாக்கம் மைதானத்தில் இரவு 7.30 மணிக்கு இந்தப் போட்டி தொடங்க உள்ளது. தொடர்ச்சியாக 2 போட்டிகளில் தோல்வி அடைந்துள்ள சென்னை அணி, தவறுகளை திருத்திக் கொண்டு வெற்றிப் பாதைக்கு திரும்ப முயற்சிக்கக்கூடும். ஹாட்ரிக் தோல்வியை தவிர்க்க சென்னை அணி கடுமையாக போராட வேண்டி வரும். தொடர்ச்சியாக 3 போட்டிகளில் வென்றுள்ள கொல்கத்தா, சுழற்பந்து வீச்சுக்கு சாதகமான சென்னை மைதானத்தில் கடும் சவால் அளிக்கக்கூடும். இவ்விரு அணிகளும் இதுவரை 31 முறை நேருக்கு நேர் மோதி உள்ளன. இதில் சென்னை 19 முறையும் கொல்கத்தா 11 முறையும் வெற்றி கண்டிருக்கின்றன. ஒரு போட்டியில் முடிவு இல்லை.