தென் தமிழகத்தில் விஜய்யின் ஆட்டம் ஆரம்பம்.. கொத்தாக 300 பேரை தூக்கி வந்து தவெகவில் இணைந்த பிரபலம்

தூத்துக்குடி துப்பாக்கி சூட்டில் உயிரிழந்த இளம் பெண் ஸ்னோலின் தாயார் உள்ளிட்ட 300-க்கும் மேற்பட்ட இளைஞர் இளம் பெண்கள் தமிழக வெற்றிக் கழகத்தில் இணைந்தனர்.

தமிழக வெற்றிக் கழகத்தில் இளைஞர்கள் இளம்பெண்கள் இணைக்கும் நிகழ்ச்சி தூத்துக்குடியில் உள்ள தனியார் ஹோட்டலில் நடைபெற்றது.

தமிழக வெற்றிக்கழக மாவட்ட பொறுப்பாளர் அஜிதா ஆக்னல் தலைமையில் நடைபெற்ற இந்நிகழ்ச்சியில், தூத்துக்குடி ஸ்டெர்லைட் போராட்டத்தின் போது உயிரிழந்த இளம் பெண் ஸ்னோலின் தாயார் வனிதா தன்னை தமிழக வெற்றிக் கழகத்தில் இணைத்துக் கொண்டார்.

இதைத்தொடர்ந்து இளைஞர்கள் இளம் பெண்கள் என 300-க்கும் மேற்பட்டோர் தங்களை தமிழக வெற்றி கழகத்தில் இணைத்துக் கொண்டனர் அவர்களுக்கு மாவட்ட பொறுப்பாளர் அஜிதா ஆக்னல் சால்வை அணிவித்து வரவேற்று கட்சியில் இணைத்துக் கொண்டார்.