'வாழை' படம் பார்த்த உடனே வீட்டிற்கே சென்ற திருமாவளவன் - இன்ப அதிர்ச்சியில் மாரிசெல்வராஜ்

'வாழை' திரைப்படம் தொடர்பாக இயக்குநர் மாரிசெல்வராஜின் வீட்டிற்கு சென்ற விடுதலை சிறுத்தைகள் கட்சி தலைவர் திருமாவளவன் நேரில் வாழ்த்து தெரிவித்தார். மாரி செல்வராஜ் இயக்கத்தில் உருவாகி வெளியாகியுள்ள படம் 'வாழை'. இப்படம் திரைக்கு வந்து வெற்றிகரமாக ஓடிக்கொண்டிருக்கும் நிலையில், பலரும் இயக்குநர் மாரிசெல்வராஜ் மற்றும் படக்குழுவினருக்கு வாழ்த்து தெரிவித்து வருகின்றனர். இந்நிலையில், மாரி செல்வராஜ் இல்லத்திற்கு சென்று நேரில் வாழ்த்து தெரிவித்த திருமாவளவன் எம்.பி., மாரிசெல்வராஜ் வீட்டில் உணவருந்தி, குடும்பத்தாருடன் புகைப்படம் எடுத்துள்ளார்.