மருத்துவ மாணவர்களுக்கு... அமைச்சர் மா.சு சொன்ன முக்கிய தகவல்

மருத்துவ மாணவர்களுக்கு... அமைச்சர் மா.சு சொன்ன முக்கிய தகவல்

தமிழகத்தில் காலியாக இருக்கும் 2 ஆயிரத்து 553 மருத்துவர்கள் காலிப் பணியிடங்கள், தேர்வு நடத்தி அதன் மூலம் நிரப்பப்படும் என, சுகாதாரத்துறை அமைச்சர் மா.சுப்ரமணியன் தெரிவித்தார். நெல்லை மாவட்டத்தில் மருத்துவ மற்றும் மக்கள் நல்வாழ்வு துறை மூலம் 1 கோடியே 75 லட்சம் ரூபாய் மதிப்பில் புதிய மருத்துவ கட்டிடங்கள் மற்றும் மருத்துவ பிரிவுகளை நெல்லை அரசு மருத்துவக் கல்லூரி வளாகத்தில் அமைச்சர் மா.சுப்பிரமணியம் திறந்து வைத்து நலத்திட்ட உதவிகளை வழங்கினார்.பின்னர் செய்தியாளர்களிடம் பேசிய அவர், 2 ஆயிரத்து 553 மருத்துவர் காலி பணியிடங்களை நிரப்ப ஜனவரி 27-ம் தேதி தேர்வு நடத்தப்பட்டு மருத்துவர்கள் நியமிக்கப்படுவார்கள் என்று தெரிவித்தார்.