#JUSTIN || சிவகங்கை நகர பாஜக தலைவர் கைது.. போலீஸ் அதிரடி | BJP | Sivagangai | Thanthitv

சிவகங்கை நகர தலைவராக பதவி வகிப்பவர் உதயா. இவர் இன்று காலை 11 மணியளவில் தனது காரில் மதுரை நோக்கி சென்றுள்ளார். அச்சமயம் கோட்டை முனியாண்டி கோவில் அருகே போக்குவரத்து சார்பு ஆய்வாளர் அழகுராணி வாகன சோதனையில் ஈடுபட்டிருந்தபோது உதயா தனது காரில் சீட் பெல்ட் அனியாமல் சென்றதாக கூறப்படுகிறது. இதனை கண்டு மறித்த சார்பு ஆய்வாளர் சீட் பெல்ட் அனியாமல் சென்றது குறித்து கேட்டதாக கூறப்படுகிறது. இதில் இருவருக்கும் இடையே கடும் வாக்குவாதம் ஏற்பட்டுள்ளது. இதில் நகர தலைவர் உதயா சார்பு ஆய்வாளர் அழகுராணியை தகாத வார்த்தைகளால் திட்டியதாக கூறப்படும் நிலையில் வீடியோ ஆதாரத்துடம் சார்பு ஆய்வாளர் அழகுராணி சிவகங்கை நகர் காவல் நிலையத்தில் புகாரளிக்கவே உடனடியாக நகர தலைவர் உதயாவை சக்குடி அருகே மடக்கி பிடித்த போலீசார் அவரை கைது செய்தனர். இதனை அறிந்த பா.ஜ.க மாவட்ட தலைவர் சத்தியேந்திரன் தலைமையிலான நிர்வாகிகள் சிவகங்கை நகர் காவல் நிலையம் முன்பு குவிந்ததால் அங்கு பரபரப்பு ஏற்பட்டது. மேலும் ஏற்கனவே சார்பு ஆய்வாளர் அழகுராணிக்கும் நகர தலைவர் உதயாவிற்கும் கார் நம்பர் பிளேட் குறித்தான புகாரில் தகராறு இருந்ததாக கூறப்படும் நிலையில் இன்று கைது செய்யப்பட்டது பெரும் பரபரப்பை ஏற்படுத்தியுள்ளது.