போயஸ் இல்லத்தில் சசிகலாவை சந்திக்க போவது யார்? - அதிமுகவே உற்றுநோக்கும் ஜூன் 16 மீட்டிங்

போயஸ் இல்லத்தில் சசிகலாவை சந்திக்க போவது யார்? - அதிமுகவே உற்றுநோக்கும் ஜூன் 16 மீட்டிங்

அதிமுக தொண்டர்களை, சசிகலா, வரும் ஜூன் 16-ஆம் தேதி சந்திக்க உள்ளதாக தகவல் வெளியாகியுள்ளது.

நடந்து முடிந்த நாடாளுமன்ற தேர்தலில் அதிமுக படுதோல்வி அடைந்த நிலையில், கடந்த 5-ஆம் தேதி அறிக்கை ஒன்றை சசிகலா வெளியிட்டிருந்தார். அதில், ஒரு சிலரின் சொந்த விருப்பு வெறுப்புகளுக்கு கட்சி அழிவதை இனியும் வேடிக்கை பார்த்துக் கொண்டிருக்க முடியாது எனவும், கட்சி நலன் கருதியும் மக்கள் நலன் கருதியும் நாம் ஒற்றுமையாக பணியாற்ற வேண்டும் என்றும் குறிப்பிட்டிருந்தார். அனைவரையும் சென்னை போயஸ் தோட்டத்தில் உள்ள ஜெயலலிதா இல்லம் வரவேற்கிறது என்றும் தெரிவித்திருந்தார். இந்நிலையில், வரும் 16-ஆம் தேதி மாலை 3 மணிக்கு சென்னை போயஸ் கார்டனில் அமைந்துள்ள ஜெயலலிதா இல்லத்தில் தொண்டர்களை சசிகலா நேரில் சந்திக்க உள்ளதாக தகவல் வெளியாகியுள்ளது. தன்னை சந்திக்க வரும் தொண்டர்கள் பூங்கொத்து, சால்வை, புத்தகங்கள் உள்ளிட்ட பரிசுப் பொருட்கள் அளிப்பதை தவிர்க்குமாறு அவர் தரப்பில் தெரிவிக்கப்பட்டுள்ளது.