வனவாசி என்றழைக்கும் பாஜக.. ராகுல் கடும் விமர்சனம்

பாஜக 2, 3 பேரை வைத்து இந்த நாட்டை ஆட்சி செய்ய விரும்புவதாக எதிர்க்கட்சி தலைவர் ராகுல் காந்தி விமர்சனம் செய்துள்ளார்

ஜார்க்கண்ட் மாநிலம் சிம்தேகாவில் பிரசாரம் செய்த ராகுல் காந்தி, இந்தியா கூட்டணி அரசியலமைப்பை பாதுகாப்பதாகவும், ஆர்.எஸ்.எஸ். அமைப்பும், பாஜகவும் அரசியலமைப்பை ஒழிக்க விரும்புவதாகவும் குற்றம் சாட்டினார்.

நாங்கள் உங்களை பழங்குடியினர் என்கிறோம் என வாக்காளர்களிடம் கூறிய ராகுல் காந்தி, பாஜக உங்களை வனவாசி என சொல்வதாக விமர்சித்தார். நாங்கள் உங்கள் உரிமைக்காக போராடுகிறோம் என்ற ராகுல் காந்தி, உங்கள் தண்ணீர், காடு, நிலம் ஆகியவற்றை பாஜக பறிக்க நினைக்கிறது அதனால்தான் உங்களை வனவாசி என்று அழைக்கிறது என விமர்சித்தார். 25 செல்வந்தர்களின் 16 லட்சம் கோடி ரூபாய் கடனை தள்ளுபடி செய்த மோடி அரசாங்கம் விவசாயிகள் கடனை தள்ளுபடி செய்யவில்லை என விமர்சித்த ராகுல் காந்தி, பாஜக 2,3 பேரை வைத்து ஆட்சி செய்ய விரும்புகிறது.