ராகுல் யாத்திரையில் அகிலேஷ் யாதவுக்கு அழைப்பில்லையா?

பாரத் ஜோடோ நியாய யாத்திரையில் தங்களுக்கு அழைப்பு இல்லை என, சமாஜ்வாதி தலைவர் அகிலேஷ் யாதவ் தெரிவித்துள்ளார். உத்தரப்பிரதேசத்தில் பல பெரிய நிகழ்ச்சிகளுக்கு ஏற்பாடு செய்யப்பட்டுள்ளதாகவும், ஆனால் தங்களுக்கு அழைப்பு இல்லை என்றும் கூறியுள்ளார். இதனிடையே, உத்தரப்பிரதேசத்தில் யாத்திரை வழி மற்றும் திட்டம் தயாரிக்கப்பட்டு வருவதாகவும், ஓரிரு நாளில் இறுதி செய்யப்பட்டு, இந்தியா கூட்டணியில் அங்கம் வகிக்கும் கட்சிகளுக்கு அழைப்பு விடுக்கப்படும் என்றும், காங்கிரஸ் மூத்த தலைவர் ஜெய்ராம் ரமேஷ் தெரிவித்துள்ளார். ராகுல் காந்தி யாத்திரை பிப்ரவரி 16-ம் தேதி உத்தரப்பிரதேசத்தில் நுழைய இருப்பதாக கூறப்படுகிறது.