மோடி பதவியேற்பு விழாவின்போது ம.பி.பாஜக அலுவலகத்தில் நடந்த விபரீதம்

மத்திய பிரதேச மாநிலம், இந்தூரில் உள்ள பாஜக அலுவலகத்தில் திடீரென தீ விபத்து ஏற்பட்டதால் பரபரப்பு ஏற்பட்டது. அலுவலகத்தின் மேற்பகுதியில் இருந்த பேனர்கள் எரிந்த‌து. மேலும், மேல் தளத்தில் இருந்த அலுவலகத்தின் உள்ளேயும் தீ பரவி, புகை மூட்டமானது. தகவலறிந்து சென்ற தீயணைப்புத் துறையினர், தீயை அணைத்தனர். மூன்றாவது முறையாக மோடி பிரதமர் ஆனதை வரவேற்று பாஜகவினர் வெடி வெடித்து கொண்டாடிய போது, பட்டாசு விழுந்த‌தால் தீ விபத்து ஏற்பட்டதாக காவல்துறையினர் தெரிவித்துள்ளனர்.