வாழ்த்து மழை பொழிந்த முதல்வர் ஸ்டாலின் | MK Stalin | Thanthitv

இதுதொடர்பாக தமது எக்ஸ் தள பக்கத்தில் பதிவிட்டுள்ள முதல்வர் ஸ்டாலின், நாவல், கவிதை, சிறுகதை என அனைத்து வடிவங்களிலும் தமிழிலக்கியத்தில் தனி அடையாளத்துடன் பயணித்து வருபவர் யூமா வாசுகி என பாராட்டு தெரிவித்துள்ளார். ஏற்கனவே சிறந்த மொழிபெயர்ப்பிற்கான சாகித்ய அகாதெமி விருது வென்றுள்ள அவர், தற்போது 'தன்வியின் பிறந்தநாள்' நூலுக்காக பாலபுரஸ்கார் விருதுக்கு தேர்வாகியிருப்பது மகிழ்ச்சியளிப்பதாக குறிப்பிட்டுள்ளார். தமிழில் இன்னும் வளம்பெற வேண்டிய சிறார் இலக்கிய வகைமைக்கு அவர் ஆற்றிவரும் பாராட்டுக்குரிய பங்களிப்புக்கான உரிய அங்கீகாரம் இது என புகழாரம் சூட்டியுள்ளார். மேலும், காவிரிக்கரையில் இருந்து மற்றுமொரு இலக்கிய வரவாகத் தடம் பதித்து, 'விஷ்ணு வந்தார்' சிறுகதைத் தொகுப்பிற்காக யுவபுரஸ்கார் விருதுக்கு தேர்வாகியுள்ள நம்பிக்கைக்குரிய இளைஞர் லோகேஷ் ரகுராமனுக்கு தமது பாராட்டுக்களை தெரிவிப்பதாகவும் முதல்வர் ஸ்டாலின் பதிவிட்டுள்ளார்.