"தமிழக மக்களின் தேவையை பிரதமர் பூர்த்தி செய்வாரா?" - காங்கிரஸ் பொதுச்செயலாளர் சரமாரி கேள்வி

கடந்த சில வாரங்களாக தமிழகத்திற்கு அடிக்கடி வருகை தரும் பிரதமர் மோடி, கடந்த காலங்களில் தமிழகத்திற்கு மிக குறைந்த முக்கியத்துவத்தையே அளித்திருப்பதாக ஜெயராம் ரமேஷ் குற்றம்சாட்டியுள்ளார். தமிழகம் வெள்ளத்தில் பாதிக்கப்பட்டபோது பிரதமர் மோடி வருகை தரவில்லை எனக் கூறியுள்ள அவர், தமிழக மக்களின் தேவைகளை பூர்த்தி செய்ய இனியாவது பிரதமர் மோடி முன்வருவாரா என கேள்வி எழுப்பியுள்ளார். பண மதிப்பிழக்கம், ஜிஎஸ்டி உள்ளிட்டவற்றால் இந்தியாவின் உற்பத்தி நிறுவனங்கள் சிதைந்துள்ள நிலையில் இவற்றை மீட்க பிரதமர் மோடியிடம் என்ன தொலைநோக்கு சிந்தனை உள்ளது எனவும் அவர் கேள்வி எழுப்பி உள்ளார்.