திமுகவினர் இடையே உட்கட்சி மோதல்... கள்ளக்குறிச்சியில் பரபரப்பு | DMK | Kallakurichi

உளுந்தூர்பேட்டை சட்டமன்ற தொகுதிக்கு திமுக சார்பில் வாக்குச்சாவடி முகவர்கள் நியமிப்பது தொடர்பாக இரு கோஷ்டிகளுக்கு இடையே மோதல் ஏற்பட்டதால் பரபரப்பு ஏற்பட்டது. வாக்குச்சாவடி முகவர்கள் நியமிப்பது தொடர்பாக உளுந்தூர்பேட்டை தொகுதி சட்டமன்ற உறுப்பினர் மணிகண்ணன் ஆதரவாளர்கள் மற்றும் ஒன்றிய செயலாளர்கள் இடையே மோதல் எழுந்தது. கள்ளக்குறிச்சி மாவட்ட திமுக செயலாளர் உதயசூரியன் இது தொடர்பாக சமாதான பேச்சு வாத்தை நடத்திய போது இரு தரப்பிற்கும் இடையே மோதல் வெடித்தது. இது குறித்த தகவலின் பேரில் சம்பவ இடத்திற்கு சென்ற போலீசார் வாக்குவாதத்தில் ஈடுபட்டவர்களை சமாதானப்படுத்தினர்.