முதல்வர் மு.க.ஸ்டாலின் போட்ட நெகிழ்ச்சி பதிவு | Cm Stalin

அனைத்து சாதியினரும் அர்ச்சகர் பயிற்சி முடித்து பலர் நியமனம் செய்திருப்பதை முதலமைச்சர் ஸ்டாலின் நெகிழ்ச்சியுடன் பதிவிட்டுள்ளார். கோயில் இருக்கும் தெருவுக்குள் நுழையாதே என்றார்கள், நுழைந்தோம் என்று குறிப்பிட்டுள்ள முதலமைச்சர் ஸ்டாலின், கோயிலுக்குள் நுழையாதே எனத் தடுத்தார்கள்... நுழைந்தோம் என தெரிவித்துள்ளார். கருவறைக்குள் நுழையத் தகுதி உண்டா என ஒதுக்கி வைத்தார்கள் என்றும், நுழைவோம் என்று அனைத்துச் சாதியினரும் அர்ச்சகராகச் சட்டமியற்றி, பயிற்சிப் பள்ளி துவங்கியதாகவும் குறிப்பிட்டுள்ளார். பயிற்சி முடித்து பலரும் வந்துகொண்டிருப்பதாகவும், திராவிடம் மகிழ்கிறது என்றும் குறிப்பிட்டுள்ள முதலமைச்சர் ஸ்டாலின், அவர்களைத் தடுக்க ஏற்படுத்தப்படும் அத்தனை தடைகளையும் உடைப்போம், சமத்துவத்தை நிலைநாட்டுவோம் என்றும் உறுதிபடக் கூறியுள்ளார்.