ஏசி சண்முகத்திற்கு ஆதரவு - கரம் கொடுத்த நடிகர் சுமன்

வேலூர் நாடாளுமன்ற தொகுதி பாஜக கூட்டணி வேட்பாளர் ஏசி சண்முகத்தை, பிரபல திரைப்பட நடிகர் சுமன் நேரில் சந்தித்து பேசினார். பின்பு செய்தியாளர்களை சந்தித்த சுமன், ஏசி சண்முகத்திற்கு பணம் என்பது பிரச்சினையே கிடையாது என்றும், அவரை நம்பினால் நல்லதை தான் செய்வார் என்றும் பாராட்டினார். அரசியலில் அவருக்கு ஏற்கனவே அனுபவம் உள்ளதால், அவரை வெற்றி பெறச் செய்து மீண்டும் வாய்ப்பளிக்க வேண்டும் என்று கேட்டுக் கொண்டார்.