வயநாட்டில் இறங்கிய ராகுல், பிரியங்கா.. அனல் பறக்கப்போகும் ஆட்டம்

வயநாட்டில் இறங்கிய ராகுல், பிரியங்கா.. அனல் பறக்கப்போகும் ஆட்டம்

இடைத்தேர்தல் நடைபெறும் வயநாட்டில் ராகுல் காந்தியும், பிரியங்கா காந்தியும் மீண்டும் பிரசாரம் செய்கிறார்கள்.

வயநாடு மக்களவை தொகுதியில் வருகிற 13 ஆம் தேதி இடைத்தேர்தல் நடக்கிறது. காங்கிரஸ் சார்பில் பிரியங்கா காந்தி, பாஜக நவ்யா ஹரிதாஸ், இந்திய கம்யூனிஸ்ட் சத்யன் மொகேரி உள்பட 16 பேர் களத்தில் உள்ளனர். தேர்தலில் போட்டியிட அக்டோபர் 23 ஆம் தேதி வேட்பு மனுவை தாக்கல் செய்த பிரியங்கா காந்தி, அன்றைய தினமே ராகுல் காந்தியுடன் பிரசாரம் செய்தார். இந்நிலையில், இன்றும், நாளையும் இருவரும் பிரசாரம் செய்கிறார்கள். பொதுக்கூட்டங்களில் கலந்துக் கொள்ளும் அவர்கள் காங்கிரசுக்கு ஆதரவு திரட்டுகிறார்கள். இரண்டு நாள் முற்றுகை பிரசாரத்தை முடித்துக் கொண்டு டெல்லி திரும்புகிறார்கள். வருகிற 7 ஆம் தேதி பிரியங்கா காந்தி மீண்டும் பிரசாரம் செய்கிறார்.