சுத்தியலால் ஒரே அடி... ரோட்டில் சுருண்டு விழுந்த Ex.மேயரின் கணவர்... கதிகலங்க வைக்கும் வீடியோ

தெலங்கானா மாநிலம், நிஜாமாபாத்தில், நில ஆக்கிரமிப்பு விவகாரத்தில் நகர முன்னாள் மேயரின் கணவர், சுத்தியலால் தாக்கப்பட்டார். நிஜாமாபாத் முன்னாள் மேயர் நீத்து கிரனின் கணவர் சந்திரசேகருக்கும், அதே பகுதியைச் சேர்ந்த ஆட்டோ ஓட்டுநர் ஷேக் ரசூலுக்கும் இடையே நிலம் தொடர்பான பிரச்சனை இருந்து வருகிறது. இந்நிலையில், நிஜமாபாத்தில் பி.ஆர்.எஸ் கட்சி அலுவலகம் நின்று கொண்டிருந்த சந்திரசேகரிடம் க்குவாதம் செய்த க்ஷேக் ரசூல், ஆட்டோவில் இருந்து பெரிய சுத்தியலை எடுத்து வந்து சந்திரசேகரின் தலையில் கடுமையாக தாக்கி விட்டு தப்பி சென்று விட்டார். பலத்த காயம் அடைந்த சந்திரசேகர் தனியார் மருத்துவமனையில் சிகிச்சை பெற்று வருகிறார். இதையடுத்து, நிஜாமாபாத் போலீசார் ஐந்து தனிப்படைகளை அமைத்து ஷேக் ரசூலை தீவிரமாக தேடி வருகின்றனர்.