நீட் முதுநிலை தேர்வு.. "இதனால் தான் கால தாமதம்.." மருத்துவர் வைத்த குற்றச்சாட்டு

நீட் முதுநிலை தேர்வுக்கான தேர்வு மையத்தில் இருந்த கணினி சரியாக இயங்காததால் காலதாமதம் ஏற்பட்டதாக மாணவர் ஒருவர் குற்றம்சாட்டியுள்ளார். நாடு முழுவதும் இன்று 185 நகரங்களில் உள்ள 500 மையங்களில் நீட் முதுநிலை நீட் தேர்வு நடைபெற்றது. செங்கல்பட்டு மாவட்டம் மாமல்லபுரத்தில் உள்ள தனியார் கல்லூரியில், காலை, மதியம் என இரு வேளைகளாக தேர்வு நடைபெற்றது. இதில் பல்வேறு மாவட்டங்கள் மற்றும் மாநிலங்களை சேர்ந்தோர் தேர்வு எழுதினர். அப்போது, தேர்வு மையத்தில் இருந்த கணினி சரியாக இயங்காததால் கால தாமதம் ஏற்பட்டதாகவும், அதிகாரிகள் வந்த பிறகே கணினி சரி செய்யப்பட்டதாகவும் மருத்துவர் ஒருவர் கூறினார்.