இந்தியாவை சீண்டி பார்க்கும் இலங்கை

நாகை மீனவர்கள் 11 பேரையும் ஒரு விசைப்படகையும் இலங்கை கடற்படை சிறைபிடித்ததால் மீனவர்கள் கவலையில் உள்ளனர்.

நாகை மீன்பிடித் துறைமுகத்தில் இருந்து, 11 மீனவர்கள் விசைப்படகில், மீன்பிடி அனுமதி சீட்டு பெற்று, கடலுக்குள் மீன் பிடிக்கச் சென்றனர்.

நெடுந்தீவு அருகே மீன்பிடித்துக் கொண்டிருந்தபோது அங்கு ரோந்து வந்த இலங்கை கடற்படையினர், எல்லை தாண்டி மீன் பிடித்ததாக கூறி, விசைப்படகையும் அதில் இருந்த 11 மீனவர்களையும் கைது செய்து, காங்கேசன் கடற்படை முகாமிற்கு அழைத்துச் சென்றுள்ளனர்.

இலங்கை கடற்படையினர் தொடர்ந்து கைது நடவடிக்கையில் ஈடுபட்டு வருவதால் தமிழக மீனவர்கள் மிகுந்த கவலை அடைந்துள்ளனர்.

இதற்கு மத்திய, மாநில அரசுகள் உரிய நடவடிக்கை எடுக்க வேண்டும் என்றும் அவர்கள் வலியுறுத்தி உள்ளனர்.