HP முதல்வர் சமோச மாயமான விவகாரம்.. CID வெளியிட்ட தகவல்

இமாச்சல் முதல்வர் சுக்விந்தர் சிங் சுகு-க்காக ஆர்டர் செய்யப்பட்ட சமோசா மாயமானது தொடர்பாக சிஐடி போலீஸ் விசாரிப்பதாக வெளியான தகவலை அம்மாநில அரசும், சிஐடி போலீசும் மறுத்துள்ளன.

அக்டோபர் மாதம் சிம்லாவில் சி.ஐ.டி. போலீஸ் தலைமையகத்தில் நடைபெற்ற கூட்டத்தில் பங்கேற்ற முதல்வர் சுக்விந்தர் சிங்-க்கு வழங்க சமோசாக்கள் ஆர்டர் செய்யப்பட்டுள்ளது. அப்போது முதல்வருக்கான சமோசாக்கள் மாயமானதாகவும், அதுகுறித்து சிஐடி போலீஸ் விசாரிப்பதாகவும் தகவல்கள் பரவின. முதல்வருக்கு மாநில வளர்ச்சியைவிட சமோசாதான் முக்கியமாகிவிட்டது என பாஜக விமர்சனம் செய்தது. இதனையடுத்து பாஜக பொய்யான செய்தியை பரப்புவதாக காங்கிரஸ் பதிலடி கொடுத்தது. இந்த சூழலில், சிஐடி போலீஸ் விசாரணை என்ற செய்திக்கு முதல்வர் அலுவலகம் மறுப்பு தெரிவித்துள்ளது.