"தைரியம் இருந்தால் காப்பாற்றட்டும்" சல்மான் கானுடன் மீண்டும் ஒரண்டை இழுக்கும் மர்ம கும்பல்

பாலிவுட் நடிகர் சல்மான் கானுக்கு மீண்டும் மிரட்டல் விடுக்கப்பட்டுள்ள சம்பவம் பெரும் பரபரப்பை ஏற்படுத்தியுள்ளது... மான் வேட்டை விவகாரத்தில் சல்மான் கான் உயிருக்கு அச்சுறுத்தல் விளைவித்து வரும் லாரன்ஸ் பிஷ்னோய் சல்மானின் நெருங்கிய நண்பரான பாபா சித்திக் கொலை வழக்கில் சிறையில் உள்ளார்... இந்நிலையில் சல்மான் கானையும் பிஷ்னோயையும் இணைத்து வந்த ஒரு பாடலைக் குறிப்பிட்டு, இந்தப் பாடலை எழுதியவர் இனி பாடல்களே எழுத முடியாது என்றும், ஒரு மாதத்திற்குள் கடுமையான எதிர்கொள்ள நேரிடும் என்றும், சல்மானுக்கு தைரியம் இருந்தால் அவரைக் காப்பாற்றிக் கொள்ளட்டும் எனவும் மும்பை காவல்துறை கட்டுப்பாட்டு அறைக்கு மிரட்டல் வந்துள்ளது... இதுகுறித்து போலீசார் தீவிர விசாரணை மேற்கொண்டுள்ளனர்.