சபரிமலை தேவசம்போர்டு வெளியிட்ட அறிவிப்பு | sabarimala

சபரிமலையில் மண்டல பூஜைக்காக இன்று மதியம் 1 மணி முதல் பக்தர்கள் அனுமதிக்கப்படவுள்ளனர். மண்டல பூஜைக்காக சபரிமலையில்

இன்று மாலை 5 மணிக்கு நடை திறக்கப்படுகிறது.சிறப்பு பூஜைகள் எதுவும் நடைபெறாது. இரவு 7 மணிக்கு, சபரிமலை, மாளிகைப்புரம் கோயில்களின் புதிய மேல்சாந்திகளான அருண்குமார் நம்பூதிரி மற்றும் வாசுதேவன் நம்பூதிரி ஆகியோர் பொறுப்பேற்கும் நிகழ்ச்சி நடைபெறுகிறது. இரவு 10 மணிக்கு நடை சாத்தப்பட்டு, நாளை அதிகாலை 3மணிக்கு மண்டல கால பூஜைகள் நடை​பெறும்.

இன்று நடை திறக்கப்படுவதை முன்னிட்டு, மதியம் 1 மணி முதல் பம்பையிலிருந்து சன்னதிக்குள் பக்தர்கள் அனுமதிக்கப்படவுள்ளனர்.

நாளை முதல் 18 மணி நேரம் பக்தர்கள் தரிசனம்செய்ய முடியும் என்றும், பிற்பகல் 2மணி நேரம் மட்டுமே நடை மூடப்பட்டிருக்கும் என தேவசம் போர்டு தலைவர் பிரசாந்த் தெரிவித்துள்ளார். சபரிமலை தரிசனத்திற்கான ஆன்லைன் முன்பதிவு நவம்பர் 30ந் தேதி வரை முடிவடைந்துள்ளது.