அரசியல் வரலாற்றில் முதல்முறையாக.. தனது சகோதரி பிரியங்கா குறித்து பேசும்போது உணர்ச்சிவசப்பட்ட ராகுல்

அரசியல் வரலாற்றில் முதல்முறையாக.. தனது சகோதரி பிரியங்கா குறித்து பேசும்போது உணர்ச்சிவசப்பட்ட ராகுல்

தனது சகோதரி பிரியங்கா காந்தி, முதன்முறையாக தேர்தலில் களமிறங்குவதாகவும், அவர் சிறந்த எம்.பி. என்பதை மக்களுக்கு நிரூபிப்பார் என்றும், மக்களவை எதிர்க்கட்சித் தலைவர் ராகுல் காந்தி தெரிவித்தார்.

வயநாடு தொகுதியில் காங்கிரஸ் வேட்பாளராக போட்டியிடும் பிரியங்கா காந்தியை ஆதரித்து, மானந்தவாடி அருகே காந்தி பார்க் பகுதியில் நடைபெற்ற பொதுக்கூட்டத்தில் பேசிய ராகுல் காந்தி, அரசியல் சாசனத்தை பாதுகாப்பதே முதன்மையான போராட்டமாக உள்ளதாகத் தெரிவித்தார். இப்போது நடக்கும் போராட்டம் நம்பிக்கைக்கும் பாதுகாப்பின்மைக்கும் இடையிலானது என்று தெரிவித்த அவர், அரசமைப்பை அழிக்க நினைக்கும் சிலரை எதிர்த்து காங்கிரஸ் போராடி வருவதாக குறிப்பிட்டார். தனது தந்தை கொலை வழக்கில் உட்படுத்தப்பட்ட பெண்ணை நேரில் சென்று சந்தித்து கட்டியணைத்துக் கொண்டவர் தனது சகோதரி பிரியங்கா என்றும் ராகுல் காந்தி உருக்கத்துடன் தெரிவித்தார். தொடர்ந்து பேசிய பிரியங்கா காந்தி, உண்மைக்காகவும், உரிமைக்காகவும் ராகுல் காந்தி போராடி வருவதாகவும், பாஜக ஒவ்வொரு நாளும் ராகுல் காந்தியை தாக்கி பேசுவதாகவும் தெரிவித்தார். மோடி அரசு பணக்காரர்களுக்காக செயல்படுவதாகவும், நல்ல சுகாதாரம், வேலைவாய்ப்பு வழங்குவதில் அக்கறை காட்டவில்லை என்றும் பிரியங்கா காந்தி குற்றம் சாட்டினார்.