ஏர்போர்டையே பரபரப்பாகிய ஜெர்மனியர்.. சூட்கேசில் பார்த்ததும் பதறிய அதிகாரி | Kerala Airport

கேரளா மாநிலம், கொச்சி விமான நிலையத்தில், மும்பை செல்லவிருந்த ஜெர்மன் நாட்டை சேர்ந்த ஆத்மான் கிளாசிங்கோ என்பவரின் உடைமைகளை பரிசோதனை செய்தனர். அப்போது இந்தியாவில் தடை செய்யப்பட்ட சாட்டிலைட் போன் வைத்திருந்ததை அதிகாரிகள் கண்டு பிடித்தனர்.கடந்த 5ஆம் தேதி பெங்களூருக்கு விமானம் மூலம் வந்த இவர் பல இடங்களுக்கு பயணம் செய்துள்ளார். உடனடியாக அவரை கைது செய்து, சாட்டிலைட் போனை பறிமுதல் செய்து நெடும்பச்சேரி போலீசாரிடம் ஓப்படைத்தனர். அவர் மீது வழக்குப் பதிவு செய்யப்பட்டு இன்று நீதிமன்றத்தில் ஆஜர்படுத்தப்படவுள்ளார். சாட்டிலைட் போன்கள் இந்தியாவில் தடை செய்யப்பட்டுள்ளது என்பது தனக்கு தெரியாது என ஆத்மான் கிளாசிங்கோ போலீசாரிடம் தெரிவித்துள்ளார்.