வெளிச்சம் போட்டு காட்டிய தேர்தல் முடிவுகள் - பிரியங்காவை கொண்டாடும் வயநாடு மக்கள் | Priyanka Gandhi

வயநாட்டில் நடைபெற்ற மக்களவைத் தொகுதி இடை தேர்தலில் போட்டியிட்ட பிரியங்கா காந்தி சரித்திர சாதனை படைத்துள்ளார். கடந்த தேர்தலில் ராகுல் காந்தி பெற்ற வாக்குகளை விட அதிக வாக்குகள் வித்தியாசத்தில் வெற்றி பெற்றுள்ளார்... வாக்கு எண்ணிக்கையில் ஒவ்வொரு ரவுண்டிலும் தன்னை எதிர்த்து போட்டியிட்ட இந்திய கம்யூனிஸ்ட் கட்சி வேட்பாளர் சத்தியன் மொக்கேரியை விட அதிக வாக்குகள் இடைவெளியில் முன்னணியில் திகழ்ந்து இறுதியில் 4 லட்சத்து 10 ஆயிரத்து 931 வாக்குகள் வித்தியாசத்தில் சத்யன் மொக்கேரியை தோற்கடித்தார். தனது வெற்றி வயநாடு மக்களின் வெற்றி எனவும் வயநாடு மக்களின் குரலாக மக்களவையில் ஒழிப்பேன் எனவும் கூறியுள்ள பிரியங்கா காந்தி 2 அல்லது 3 நாள்களுக்குள் வயநாட்டிற்கு செல்வதாகவும் கூறியுள்ளார்.

கடந்த மக்களவைத் தேர்தலில் 6 லட்சத்து 47 ஆயிரத்து 445 வாக்குகள் பெற்ற ராகுல் காந்தி தன்னை எதிர்த்துப் போட்டியிட்ட இந்திய கம்யூனிஸ்ட் கட்சி வேட்பாளர் அணி ராஜாவை 3 லட்சத்து 64 ஆயிரத்து நானூற்று 22 வாக்குகள் வித்தியாசத்தில் தோற்கடித்தது குறிப்பிடத்தக்கது...