கள்ளக் காதலிக்காக உயிர் நண்பனுக்கு மதுவை ஊற்றி கொடுத்து கயிற்றால் கழுத்தை இறுக்கி கொலை செய்த கொடூரம்

விஜயபுரா மாவட்டத்தின் பசவனபாகேவாடி நகரில் நடந்த சுனில் பஜந்திரி கொலை சம்பவத்தின் அதிர்ச்சியூட்டும் வீடியோ வெளியாகி,பெரும் அதிர்வலைகளை ஏற்படுத்தி இருக்கிறது.ஞாயிற்றுக்கிழமை மாலை சுனில் பஜந்திரி என்பவர், தனது நண்பர்களான சந்தோஷ் மற்றும் முத்துக்கப்பாவுடன் பசவனபாகேவாடி நகரில் உள்ள பார் ஒன்றில் மது அருந்தியுள்ளார்.பின்னர் கூடுதலான மதுவை வாங்கிக்கொண்டு, சுனில் மற்றும் சந்தோஷ் அருகிலிருந்த வயலில் மது அருந்த சென்றுள்ளனர்.அங்கு மது அருந்திக் கொண்டிருந்தபோது சுனில் மற்றும் சந்தோஷ் இடையே கள்ளக் காதலி தொடர்பான விவகாரத்தில் வாக்குவாதம் ஏற்பட்டுள்ளது. “நீ அவளை விட்டு விடு” என்று சுனிலுக்கு சந்தோஷ் எச்சரிக்கை கொடுத்தார். ஆனால் சந்தோஷின் எச்சரிக்கையை, சுனில் அலட்சியமாகவே எடுத்துக்கொண்டதாக கூறப்படுகிறது.இதனால் கோபமடைந்த சந்தோஷ், கயிற்றால் சுனிலின் கழுத்தை இறுக்கி,கொலை செய்துள்ளார்.இதை தனது செல்போனில் வீடியோ பதிவும் செய்துள்ளார். இந்த வீடியோ வெளியானதை தொடர்ந்து, போலீசார் சந்தோஷ் மற்றும் முத்துக்கப்பா ஆகியோரை கைது செய்து விசாரணை நடத்தி வருகின்றனர்.