தீபாவளியன்று 3 மாணவர்கள் செய்த பகீர் காரியம்..காட்டு தீயாய் பரவிய காட்சிகள் -தட்டி தூக்கிய போலீசார்

கர்நாடகா மாநிலம், ஹாசன் நகரில் பெட்ரோல் குண்டு வெடித்து தீபாவளியை கொண்டாடிய மருத்துவ மாணவர்கள் 3 பேரை போலீசார் கைது செய்தனர். ஹாசனில் உள்ள தனியார் ஆயுர்வேத கல்லூரி அருகே தீபாவளியன்று மாணவர்கள் சிலர் பட்டாசுக்கு பதிலாக பெட்ரோலை ஒரு கவரில் நிரப்பி அதை கொளுத்தி தீபாவளி பண்டிகையை கொண்டாடியுள்ளனர். இரண்டு மாணவர்கள் பட்டாசு வெடித்ததை மற்றொரு மாணவர் தனது செல்போனில் படம் பிடித்து சமூக வலைதளத்தில் வெளியிட்டுள்ளார். இந்த வீடியோ சமூக வலைதளங்களில் வைரலானதை அடுத்து, வழக்குப்பதிவு செய்த ஹாசன் போலீசார், மாணவர்கள் 3 பேரையும் கைது செய்தனர். நீதிமன்றத்தில் ஆஜர்படுத்தப்பட்ட மூவரும் அபராதம் செலுத்திய பின் விடுவிக்கப்பட்டனர்.