கோடாவில் சிக்கிய ராகுல் ஹெலிகாப்டர்... குவிக்கப்பட்ட பாதுகாப்புப்படை வீரர்கள் - பரபரப்பு காட்சி

காங்கிரஸ் எம்.பி. ராகுல் காந்தியின் ஹெலிகாப்டர், ஜார்க்கண்ட்டில் இருந்து புறப்படாமல், விமான போக்குவரத்து கட்டுப்பாட்டின் அனுமதிக்காக காத்திருந்தது. ஜார்க்கண்ட் தேர்தல் பிரச்சாரத்திற்காக ராகுல் காந்தி சென்ற நிலையில், அவரது ஹெலிகாப்டர் கோடா பகுதியில் சிக்கியது. ஹெலிபேடில் இருந்து ராகுலின் ஹெலிகாப்டர் புறப்பட, விமானப் போக்குவரத்துக் கட்டுப்பாட்டின் அனுமதி கிடைக்கவில்லை. ஒருமணி நேரத்திற்கு மேலாக ராகுல் காந்தி காத்திருந்த நிலையில், அங்கு பாதுகாப்புப்படை வீரர்கள் குவிக்கப்பட்டிருந்தனர். பிரதமர் மோடி தியோகரில் இருப்பதால், ராகுல் காந்தி அனுமதிக்கப்படவில்லை என மஹாகாமா தொகுதியின் எம்.எல்.ஏ.வும் காங்கிரஸ் வேட்பாளருமான தீபிகா பாண்டே சிங் குற்றம் சாட்டியுள்ளார்.