எலான் மஸ்க்கை மயக்கிய தமிழ் படம்-ஒரே நைட்டில் உலக பேமஸ்-ஆன சீன்..தலைகால் புரியாமல் குதிக்கும் நடிகர்

எலான் மஸ்க்கை இம்ப்ரஸ் தமிழ் படம்

ஒரே நைட்டில் உலக பேமஸ்-ஆன சீன்

தலைகால் புரியாமல் குதிக்கும் நடிகர்

ஆப்பிள் நிறுவனத்தை விமர்சித்து எலான் மஸ்க் பதிவிட்ட ஒரு ட்வீட்டால், ஒரே நாளில் ஓஹோவென உச்சத்திற்கு சென்றிருப்பதாக நடிகர் ஒருவர் நெகிழ்ந்து பேசியதை பார்க்கலாம் இந்த செய்தி தொகுப்பில்.

பட்டப்படிப்புகள் படித்து, முடித்து முனைவர் பட்டம் பெற்றது போல குஷியில் இருக்கும் இந்த நடிகரின் சிரிப்பிற்கு காரணம் எலான் மஸ்க் போட்ட பதிவு என்றால் நம்ப முடிகிறதா ?..

நம்பித்தான் ஆக வேண்டும்..

எக்ஸ் தளத்தில் ஆக்டிவாக இருக்கும் எலான் மஸ்க், அவ்வப்போது சில பதிவுகளை வெளியிடும் நிலையில், தற்போது ஆப்பிள் நிறுவனம் ஓபன் ஏஐ-உடன் இணைவது குறித்து கடுமையாக எதிர்ப்பு தெரிவித்து வருகிறார்..

ஆப்பிள் நிறுவனத்தின் சாதனங்களை பயன்படுத்துவோரின் டேட்டாக்களை ஓபன் ஏஐ எடுத்துக்கொள்ளும் என விமர்சித்த அவர், ஐபோன், மேக் உள்ளிட்ட சாதனங்களை தனது நிறுவனத்தில் பயன்படுத்த தடை விதிப்பேன் எனவும் தெரிவித்திருந்தார்..

இந்நிலையில், ஆப்பிள் நிறுவனம் ஓபன் ஏஐ நிறுவனத்துடன் கைக்கோர்ப்பது குறித்து விமர்சிக்கும் வகையில் மீம் டெம்ப்ளேட் ஒன்றையும் வெளியிட்டிருந்தார்..

இந்த டெம்ப்ளேட் தான் தற்போது டாக் ஆஃப் தி டவுனாக மாறியுள்ளது.

தமிழில் சிறிய பட்ஜெட்டில் எடுக்கப்பட்ட தப்பாட்டம் படத்தின் புகைப்படம் தான் அது..

இந்த டெம்ப்ளேட்டை இணையவாசிகள்...முகம் சுழித்து கொண்டு ஆபாசம், கிரிஞ்ச், என விமர்சித்த நிலையில், அதனையே பகிர்ந்து எலான் மஸ்க் ப்ரமோட் செய்திருப்பதாக அப்படத்தில் நடித்த நடிகர் துரை. சுதாகர் நெகிழ்ச்சியுடன் தெரிவிக்கிறார்..

மேலும் இந்த புகைப்படத்தை ஆபாசமாக பார்க்க வேண்டாம், இது அன்பான இருவருக்கு இடையிலான அந்நியோன்யம் தான் என தெரிவிக்கிறார் துரை சுதாகர்..

இப்படி ஒரேயொரு பதிவால் ஓவர்நைட்டில் ஃபேமஸ் ஆன தனது படத்தை நடிகர் துரை.சுதாகர் மெச்சிக்கொள்ள, இணையவாசிகளும் இதனை பகிர்ந்து சிரிப்பலையில் மூழ்கியுள்ளனர்