குடியரசு தினவிழா அலங்கார ஊர்தி அணிவகுப்பு - தேர்வான 15 மாநிலங்கள் எவை?

டெல்லியில் ஆண்டுதோறும் ஜனவரி 26-ம் தேதி குடியரசு தின விழாவில், முப்படைகளின் அணிவகுப்பு, அலங்கார ஊர்திகளின் அணிவகுப்பு நடைபெறுவது வழக்கம். இதில், பல்வேறு மாநிலங்களின் அலங்கார ஊர்திகள், பல்வேறு துறைகளின் அலங்கார ஊர்திகள், துணை ராணுவத்தின் அலங்கார ஊர்திகள் இடம்பெறும். அந்த வகையில், ஜனவரி 26-ல் நடைபெறும் குடியரசு தின விழா அணி வகுப்பில், 15 மாநிலங்களின் அலங்கார ஊர்திகள் அணி வகுக்க தேர்ந்தெடுக்கப்பட்டுள்ளன. ஆந்திரா, பீகார், சண்டிகர், தாதர் நகர் ஹவேலி & டாமன் மற்றும் டையூ, கோவா, குஜராத், ஹரியானா, ஜார்கண்ட், கர்நாடகா, மத்தியப் பிரதேசம், பஞ்சாப், திரிபுரா, உத்தரகாண்ட், உத்தரபிரதேசம் மற்றும் மேற்கு வங்கம் ஆகிய மாநிலங்கள் தேர்ந்தெடுக்கப்பட்டுள்ளன. இவை தவிர கூடுதலாக 11 அமைச்சகங்கள் மற்றும் மத்திய அரசின் துறைகளும் தேர்ந்தெடுக்கப்பட்டுள்ளன.