கலவர பூமியான கல்லூரி..மாணவர்களுக்கு இடையே மோதல்...8 பேருக்கு நேர்ந்த சோகம்

கேரள மாநிலம் கோட்டயத்தில் உள்ள கல்லூரியில் காங்கிரஸ் மாணவர் அமைப்பான கேஎஸ்யு மற்றும் கம்யூனிஸ்ட் மாணவர் அமைப்பான எஸ்எஃப்ஐ ஆகியோர், ஒரே நாளில் கல்லூரி வளாகத்தில் நிகழ்ச்சிகளை நடத்தியுள்ளனர். இதனால் இருதரப்பினருக்கும் இடையே ஏற்பட்ட வாய்த் தகராறு மோதலாக வெடித்ததில் 8 பேர் காயம் அடைந்து மருத்துவமனையில் அனுமதிக்கப்பட்டனர். மருத்துவமனையிலும் இரு தரப்பினருக்கும் இடையே மோதல் ஏற்பட்டுள்ளது. இச்சம்பவம் தொடர்பாக இரு தரப்பினர் மீதும் போலீசார் வழக்கு பதிவு செய்து விசாரணை மேற்கொண்டு வருகின்றனர். இது தொடர்பான வீடியோ தற்போது சமூக வலைத்தளங்களில் அதிகம் பரவி வருகிறது.