ஸ்டார் ஹோட்டலில் பதுங்கிய பாஜக நிர்வாகி... உள்ளே புகுந்த பகுஜன் விகாஸ் அகாதி - ``அம்பலமான குட்டு..'' - வெளியான பரபரப்பு வீடியோ

மகாராஷ்டிராவில் நாளை சட்டப்பேரவை தேர்தல் நடைபெற உள்ளது. இந்த சூழலில் மும்பை வீர் பகுதியில் பாஜக தேசிய பொதுச்செயலாளர் வினோத் தாவ்டே தங்கியிருந்த நட்சத்திர ஓட்டலுக்குள் பகுஜன் விகாஸ் அகாதி கட்சியை சேர்ந்தவர்கள் புகுந்தனர். அங்கு வாக்காளர்களுக்கு கொடுக்க நிர்வாகிகளுக்கு வினோத் தாவ்டே பணப்பட்டுவாடா வழங்கியதாகவும், அவரை கையும் களவுமாக அவரை பிடித்துவிட்டதாகவும் தெரிவித்துள்ளனர். இதுகுறித்த வீடியோ காட்சிகளும் வெளியாகியுள்ளன. வினோத் தாவ்டேவை சுற்றிலும் பலரும் கேமராவில் வீடியோ எடுக்க, சிலர் பணத்தை எடுத்துக் காட்டும் காட்சிகளும் அதில் பதிவாகியுள்ளது. பகுஜன் விகாஸ் அகாதி கட்சியினர் வினோத் தாவ்டேவிடம் ஆக்ரோஷமாக வாக்குவாதம் செய்ய, போலீசார் நிலையை சமாளிக்கும் சூழலும் வீடியோவில் பதிவாகியுள்ளது. வினோத் தாவ்டே 5 கோடி ரூபாயை வழங்கியுள்ளார் என்றும் யார், யாருக்கு எவ்வளவு ரூபாய் வழங்கப்பட்டது என்ற விபரம் அடங்கிய டைரியும் சிக்கியிருப்பதாக அவர்கள் சொல்லியிருப்பது, மகாராஷ்டிராவில் பரபரப்பை ஏற்படுத்தியுள்ளது.