திடீரென பற்றி எரிந்த பைக் ஷோரூம்....உள்ளே உடல் கருகி பெண் ஊழியர் பலி - அதிர்ச்சி காட்சிகள்

பெங்களூரு ராஜ்குமார் சாலையில் செயல்படும் அந்த ஷோரூமில் நேற்று மாலை தீ விபத்து ஏற்பட்டது. சில நிமிடங்களிலேயே ஷோரூம் முழுவதும் தீ பரவியதால், ஷோரூமில் இருந்தவர்களும், அக்கம் பக்கத்தில் இருந்தவர்களும் அலறி அடித்துக்கொண்டு ஓடத் தொடங்கினர். தகவல் கிடைத்து 3 வாகனங்களில் வந்த தீயணைப்புப் படையினர் சுமார் 40 நிமிடங்கள் போராடி தீயை கட்டுக்குள் கொண்டு வந்தனர். இந்த விபத்தில் சுமார் 45 மின்சார இரு சக்கர வாகனங்கள் தீக்கிரையாகின. தீயை அணைத்த பிறகு உள்ளே சென்று பார்த்தபோது, அங்கு விற்பனை பிரதிநிதியாக பணியாற்றி வந்த பிரியா என்ற இளம்பெண் தீயில் கருகி உயிரிழந்திருந்தது தெரிய வந்தது.