விடுதலை 2- சிறப்புத் தோற்றத்தில் நடிக்கப் போகும் எஸ்.ஜே.சூர்யா?

இயக்குநர் வெற்றிமாறனின் விடுதலை 2 படத்தில் நடிகர் எஸ்.ஜே.சூர்யா நடிக்கவுள்ளதாகத் தகவல் வெளியாகியுள்ளது. நடிகர்கள், சூரி விஜய் சேதுபதி நடிப்பில் வெளியாகி வெற்றிநடை போட்ட விடுதலை பாகம் 1ஐத் தொடர்ந்து 2ம் பாகம் எடுக்கப்பட்டு வருகிறது. விஜய் சேதுபதியின் பகுதி படமாக்கப்பட்டு வரும் நிலையில், மஞ்சுவாரியார் அவருக்கு மனைவியாக நடிப்பதாகத் தெரிவிக்கப்பட்டுள்ளது. இந்நிலையில் இப்படத்தில் எஸ்.ஜே.சூர்யாவும் சிறப்புத் தோற்றத்தில் நடிக்க உள்ளதாகத் தகவல் பரவி வருகிறது.