`Goat'-க்கு கடைசி நாளில் கிரீன் சிக்னல்... விஜய் ரசிகர்களுக்கு ஸ்வீட் சர்ப்ரைஸ்

விஜய் நடிப்பில் வெளியாகவுள்ள தி கோட் திரைப்படத்திற்கு, புதுச்சேரியில் காலை சிறப்பு காட்சிக்கு அனுமதி அளிக்கப்பட்டுள்ளது. இதுதொடர்பாக அனுமதி கோரி, திரையரங்க உரிமையாளர்கள் புதுச்சேரி மாவட்ட ஆட்சியரிடம் மனு அளித்திருந்தனர். இந்நிலையில் புதுச்சேரியில் காலை சிறப்பு காட்சிக்கு மாவட்ட ஆட்சியர் குலோத்துங்கன் அனுமதி அளித்துள்ளார். செப்டம்பர் 5 முதல் 8-ஆம் தேதி வரை, தினசரி 5 காட்சிகள் திரையிட அனுமதி அளிக்கப்பட்டுள்ளது. காலை 9 மணிக்கு சிறப்பு காட்சி திரையிடப்பட உள்ளதாக திரையரங்கு உரிமையாளர்கள் தெரிவித்துள்ளனர்.