ஒரு போர் வீரனின் காதல், வீரம், தியாகம் என அனைத்தையும் பறைசாற்றி.. மக்களின் மனதில் நீங்கா இடம் பிடித்திருக்கிறது அமரன் திரைப்படம்..

ரீல் லைஃப் முகுந்த் வரதராஜனையும், இந்து ரெபேக்கா வர்கீஸையும் மக்கள் கொண்டாடி வரும் நிலையில், ரியல் லைஃப் முகுந்த் வரதராஜன் குறித்தும், இந்து ரெபேக்கா வர்கீஸ் குறித்தும் மனம் திறக்கிறார், இருவரும் படித்த சென்னை கிறிஸ்த்துவ கல்லூரியின் முதல்வர் வில்சன்..

முகுந்த் வரதராஜனும், இந்து ரெபேக்கா வர்கீஸூம் கல்லூரி கால பருவத்தின் போது உறவுகளுக்கு எப்படி முக்கியத்துவம் கொடுத்தார்கள் என்பதை திரைப்படம் மூலம் பார்த்து மெய்சிலிர்த்து போனதாகவும், இதனால் இந்து ரெபேக்கா வர்கீஸை கல்லூரிக்கு அழைத்து உறவுகளின் முக்கியத்துவம் குறித்து மாணவர்களின் மத்தியில் பேச வைக்க இருப்பதாகவும் தெரிவித்திருக்கிறார்...

அமரன் திரைப்படத்தை மாணவர்கள் மத்தியில் திரையிட்டு காட்டி, உறவுகளின் முக்கியத்துவம் குறித்து இந்து ரெபேக்கா வர்கீஸை பேச வைக்க இருக்கும் நிகழ்ச்சியில், நடிகர் சிவகார்த்திகேயன் மற்றும் அமரன் படக்குழுவிற்கும் அழைப்பு விடுக்க இருப்பதாக தெரிவிக்கப்பட்டிருப்பது குறிப்பிடத்தக்கது..